الغاز شعبية

1-انشدك عن بنت كثير ة الجمالي
تمر عريانه ولاهمها الناس
اليا اضحكت تبهر العقول الرجالي
والي بكت تزيل عن النفس الاتعاس

2-انشدك عن ثوب وسيع وملبوس
على ابسيطه تلبسه كل الاجناس
يجي صحيح الاسم لوكان معكوس
وان انخلع من ناس جاء غيرهم ناس

3-انشدك عن رجلا ارجوله ثلاث
يمشي على ثنتين والثالثه لا
وحده من ارجوله ورثها وراث
وثنتين منهن دم والثالثه ماء

4-انشدك عن طير اليا طار ماشيف
له موقع اليا طار لازم يروده
له موقع بين السهل والمشاريف
في سقف ضلع الىلجين عن افهوده
يشوف حتى اللبنى واغظاريف
من شوفته ترمي الغطاء عن اخدوده

5-انشدك عن بنت تجي فوق ولد
من فوق ابوها راكبه علم وكاد
خفيفة الاوزان مافيها جهد
بثنين تاخذها يازين الحماد

6-انشدك عن حي في البحر مي
يشرب ولاياكل وهو في محيطه
نابت من الماء في البحر مصدره مي
عجزت احدد موقعه في الخريطه

7-انشد ك عن الي ساكن ساحة البر
يرقى القصور العاليات مزاجه
في البر موجود وفي البحر مامر
الي على الجواد ياخذ خراجه
واذا جهلت ارجع الحديث ابو ذر
الي رواه الترمذي وابو ماجه

8-انشدك عن رجلا على الظيم صبار
رجلا مريض وعلته داخليه
بسباب ورع شب في جوفه النار
والورع يحمل كل شخص سميه

9-انشد العراف عن علم وكيد
وش حاجته تضحك وتخفي شرها
نوب تجيب الخير لونه بعيد
ونوب يلوف الكبد والله حرها

10-انشد العراف عن عدة بنات
راكبات فوق ابوهن جميع
بينات وفوق ابوهن راكبات
صالحات للكبير وارضيع